ومضات ، ومضات عراقية ، ومضات حب عراقية ، ومضات عتاب ، ومضات حزن عراقية ، ومضات رومانسية عراقية

ومضات ، ومضة ، ومضات عراقية

ومضات ، ومضات عراقية ، ومضات حب عراقية ، ومضات عتاب ، ومضات حزن عراقية ، ومضات رومانسية عراقية

ومضات ، ومضات عراقية ، ومضات حب عراقية ، ومضات عتاب ، ومضات حزن عراقية ، ومضات رومانسية عراقية ، ومضات عتاب عراقية ، ومضة عراقية ، ومضه ، ومضات عراقية جديده


حاولت أرسمله صوره بكل مكان

وبيدي هاي انه ارسمت هل الصوره
يضحك بوجه اليشوفه ومن اجيه
يهز اديه وعني وجهه يدوره


خاويت النفس جي ماحمل اه
وماون وفضحني ويه المأسي
كبل صاحبت راسي كلت ارتاح
طلع راسي جذب نايم براسي


عفتك الشمس حتى اسمر تصير
وعيون العواذل تكطع النظره
رديت ارد اشوفك من وصلت الكيت
وجهك ماتغير والشمس سمره


أدك باب كلبك صارلي هواي
تطلع شوفه ياهو شوفه شيريد
اذا ابقه ادكن أكسر الباب
وعليك انه اطب اتريد متريد


ومضات ، ومضات عراقية ، ومضات حب عراقية ، ومضات عتاب ، ومضات حزن عراقية ، ومضات رومانسية عراقية ، ومضات عتاب عراقية ، ومضة عراقية ، ومضه ، ومضات عراقية جديده

كمت اغار هواي من عندي عليك
واي جزء بيه عليك يعاني
ولأن يحجي هواي وياك اللسان
كمت اسولفلك بدون الساني


شيجيبك يباجر والتقي وياك
وشيلنك كلب مابين الضلوع
واذا باجر اجه وماجابك وياه
اكض باجر وشيلنه من الاسبوع


شفناك وسكرنه بهاي شتكول
على هذا الامر نتحاسب هناك
الله يساعد الصيام عالصوم
مفاطير وفطرنه بيوم شفناك


باجرمن تجي مو من وره الباب
وشكلك هم تجي وتحسبه جيه
اريدك من تجي تلزك على الباب
والاثوب لو تجي وتلزك عليه


عليك الكل ثابت قفل مقفول
اموت وما ادور عن بديلك
ماحب الصلاه بس كمت صليت
أصلي الخاطرك حتى اندعيلك


كوم صلي وأذكر الله بالصلاة
بلكت يلتفتلك لو كمت ربك
الله شيلتفت وأنت العصر مريت
خليت الضحايه مجطله بدربك

ومضات ، ومضات عراقية ، ومضات حب عراقية ، ومضات عتاب ، ومضات حزن عراقية ، ومضات رومانسية عراقية ، ومضات عتاب عراقية ، ومضة عراقية ، ومضه ، ومضات عراقية جديده


احنه مانطلب بعد منك تعود
وابد مانطلب بعد منك تحن
رايدين اترد كلبنه المات بيك
حتى يمنه احنه بكرامه يندفن


صاير يوديك ويجيبك كلام
تريد تخسرلك وفي ماين اديك
احنه مابيناتنه بس السلام
انه حاجي وياك حتى احجي عليك


لايجي كولوله ماظل يهه حيل
خلصن دموعي وبجيت اسنيني
جان يطلب وانه اكله بعيني هاي
بيعني هاي وحط اصبعه بعيني


عمر انه انتظرتك ليش ماجيت
جا يمته تجي وتشوف حالي
لحظه من الوكت ماكدر انساك
ردت انساك شو جيت اعله بالي


انه لو كتلك اجي معناهه اجيك
وانت مامره كلتلي وجيتني
مره اذكر بالحلم كتلي تعال
واركض بنص الحلم خليتني

ومضات ، ومضات عراقية ، ومضات حب عراقية ، ومضات عتاب ، ومضات حزن عراقية ، ومضات رومانسية عراقية ، ومضات عتاب عراقية ، ومضة عراقية ، ومضه ، ومضات عراقية جديده


جمالك مو جمال مخبل الناس
وبس قاسو جمالك وي نبي يوسف
من شافك صفن ظل دايخ ومحتار
وظل يوسف يسولف وي نبي يوسف


اذا شمسين تطلع كارثه تصير
جمالك كلي هذا منين جبيته
اتفق ويه الشمس لدوخ الناس
لو تطلع شمس لو تطلع انته


انت يل حسنك خيال من الخيال
وصعب ان توصل جمالك صوره
ردت ارسمك صوره في روعه جمال
وانه ارسمك طاحت الصبوره


يفر ينه الوكت فرت نواعير
ورغم اجفاك بس ظلينه ننطر
صبر ايوب يمكن مو صبر جان
ولو مر بصبرنه بلحظه يكفر


أخذ ليلك بعد من ليلي يفلان
مامحتاجك تزيد ظلامه
تعت الكرامه بعشرتي وياك
تجي وتروح ماظلت كرامه

المصدر: منتدى عراق روز, منتديات عراق روز. منتدى كليه الرافدين - من قسم: منتدى الشعر الشعبي

---

,lqhj K uvhrdm pf ujhf p.k v,lhksdm ,lqhj K ,lqm K ,lqhj uvhrdm

تسلم ــألــأيادي هــنـوٍـوٍع ــأألــأنتقاء ــألرائع وــأألمميز لـلـومضات
كُل ــألشُكر وــأألتقدير لك ولطرح ــك ــأألهادف دوٍمــــأ
تقبل مني ـــأألمرـوٍـر وخ ــالص مــ ــودتـي ـأليك

اهلا بيج بسماية نورتي

يسلمو على الموضوع الرائع والطرح الجميل
تحياتي بالتالق الدائم والمتواصل
احتـرامي

تسلم الايادي هنو

تسلم الايادي هنو
موضوع جميل